Нууц мэдээллийн уурхай

Оросын түүхэнд Павлик Морозов гэдэг алдартай баатар хүү байсан. 1930 оны хамтралжуулалтын цуст хөдөлгөөний үеэр жаалхүү нударган аавынхаа нуусан хөрөнгийг большевикуудад илчилж эцгээ барьж өгсөн гэдэг. Тэгвэл Оросд орчин үеийн Павлик Морозов тодорчээ. Өмнөд Осетинын нэгэн том прокурорын ач хүүгийн найз нь гэр бүлийн хамтаар Канадад амьдрахаар явжээ. Найз нь аз жаргалтай оронд сайхан амьдарч байгаа бичлэгээ прокурорын ач хүүд байнга явуулдаг байсан нь хор шарыг нь хөдөлгөжээ. Ингээд ач хүү өөрөө ч Осетиндоо сайхан амьдарч байгаагаа харуулахын тулд прокурор өвөөгийнхөө үргэлж шахуу цоожтой байдаг гараашид орж бичлэг хийн тансаг машинуудыг нь үзүүлж гайхуулсан байна.

Гай болоход тэр бичлэг удалгүй цахимаар цахигдаж хуулийнхны хараанд өртөж. Оросын ЕПГ-ын дотоод хяналтынхан өвөөгийх нь нууц гараашнаас ХОМ-доо мэдүүлээгүй Nissan Patrol, Nissan Teana, Mercedes Benz S-класса зэрэг тансаг машинууд гаргаж ирсэн нь нийтдээ зургаан сая рублийн үнэтэй байжээ.

Ач хүүгээсээ болж баларсан өвөө нь тэдгээр үнэтэй машинуудыг ямар эх үүсвэрээр авсанаа мэдээж тайлбарлаж чадсангүй баривчлагджээ.

НУУЦ.мн