Мунзуй Г.Нямдорж хилээр оргон зайлахыг завджээ
Нийтэлсэн: 2016-11-01 05:40:40
Хуулиар хориглосон мөрийтэй тоглоом тоглож, түүнийг зохион байгуулсан хэрэгт шалгагдаж байсан “Мунзуй” хочит Г.Нямдоржийн хэргийг өнгөрөгч сард прокурорын байгууллагад шилжүүлжээ. Улмаар прокуророос Г.Нямдоржийг цаашид хорих шаардлагагүй гэж үзэн 10-р сарын 20-нд хорих ангиас суллаж батлан даалтад гаргаад байжээ.
Тэрээр хорих ангиас суллагдсанаасаа найм хоногийн дараа буюу 10-р сарын 28-ны өдөр хилээр оргон зайлахыг завдсан гэх мэдээлэл байна. Тодруулбал, Г.Нямдорж нь зүсээ хувирган Сэлэнгэ аймгийн хилээр ОХУ-руу хил давах гэж байхад нь Эрүүгийн цагдаагийн алба хаагчид баривчилсан тухай эх сурвалж мэдээллээ. Харин уг хэргийн талаар ЦЕГ-ын Хэвлэл мэдээллийн төвийн ахлах мэргэжилтэн Ё.Лхагвасүрэнгээс тодруулбал, Одоогоор Г.Нямдоржтой холбоотой ямар нэг хэрэг үүсээгүй гэсэн юм.
НУУЦ.мн
