Элэгний циррозтой эмэгтэйд элэгнийхээ талыг өгөөд эхнэрээ болгож авчээ
Нийтэлсэн: 2016-10-29 00:57:23
Донор нь өвчтөнтэйгээ гэрлэсэн сонирхолтой тохиолдол Америкд гарчээ. Тэнгисийн явган цэрэг Кристофер Демпси элэгний хорт хавдрын 4-р үедээ орсон Хизер Крюгер гэдэг эмэгтэйн элэгний донор болохдоо огт таньдаггүй байжээ. Иллиойнес мужийн Франкфурт хотод хүнд өвчтэй эмэгтэй элгээ солиулахгүй бол хоёрхон сараас илүүтэйгээр тэсэж чадахгүй болсон тухай яриаг цэрэг эр ердөө тохиолдлоор сонссон гэнэ. Хизер элэгний хүнд өвчнөөр хоёр жил гаруй өвджээ. Цорын ганц арга нь элэг солиулах л болсон байлаа. Элэгний донорын эрэлд гэр бүлээрээ гарсан ч элэг солиулах гэсэн хүмүүсийн дарааллын тоо 119 мянга гарсан тул найдвар боломж бараг үлдээгүй гэхэд болно.
-Би хөөрхий эмэгтэйн тухай яриаг сонсоод их өрөвдсөн. Хэрвээ надад ийм явдал тохиолдсон бол туслах хүн гарах болов уу гэж хүртэл бодсон шүү-
Цэрэг эр шуудхан шийдвэр гаргаж бүсгүйд туслахаар шийдсэн байна. Гэнэтхэн бэлэн донор сайн дураараа гараад ирсэнд Хизер тун их балмагджээ.
-Би баярлахаас илүүтэйгээр маш их гайхаж цочирдсон. Огт танихгүй хүн сайн дураараа мөн ямар ч төлбөргүйгээр элэгнийхээ талыг өгнө гэдэг эхэндээ итгээгүй. Харин ээж маань сонсоод шууд уйлсан-
38 настай эрийг элэг Хизерд яг таарчээ. Хоёр хоногийн дараа бүсгүйн гэр бүлийнхэн охиных нь аврагч болсон донороо гэртээ урьжээ. Элэг шилжүүлэн суулгах хагалгааны өмнө тэд олон удаа уулзжээ. Хагалгаа амжилттай болсон байна.
.jpg)
Эмнэлгээс гарсаны дараа тэр хоёр байнга утсаар ярьж улмаар болзох болсоноор найман сарын дараа донор нь өвчтөндөө гэрлэх санал тавьжээ.
Тэд энэ оны зун гэрлэсэн аж.
Өдгөө экс донор өвчтөн хоёр хоюулаа цоо эрүүл хүмүүс. Гагцхүү хоюуланд нь байдаг мэс заслын сорви л тэднийг хамтдаа юуг даван туулсаныг харуулдаг гэнэ.
NUUTS.mn
