Билл Гейтс 80 тэрбум долларын хөрөнгөнөөс нь татгалзсан хүүхдүүдээрээ бахархжээ
Нийтэлсэн: 2016-10-28 06:38:31
Майкрософтыг үндэслэгч тэрбумтан Билл Гейтсийн хөрөнгө өдгөө 80 тэрбум доллард хүрсэн. Форбесын тодруулдаг дэлхийн баячуудын жагсаалтыг олонтоо тэргүүлсээр ирсэн тэрбумтан телевизийн ярицлаганд орж нас ахиж 60 гарч байгаа тул 80 тэрбумаа хэрхэх талаараа дэлгэрэнгүй ярьжээ.
Тэрээр гэрээслэл хөрөнгө мөнгөнийхөө талаар өв залгамжлагчид болох гурван хүүхэдтэйгээ үндсэн нь ярилцаж тохирсон гэнэ. Хүүхдүүд нь тус бүр 10 сая доллар аваад л үлдсэн бүх хөрөнгөө буяны санд хандивлах гэсэн аавынхаа саналыг бүрэн дэмжсэн талаар тэрбумтан бахархан ярьжээ. Бүр маш буянтай үйл хийж байна хэмээн эцгээрээ бахархаж байгаа илэрхийлсэн гэнэ. Билл Гейтс нь 20 настай Жэннифер, 17 настай Рори, 14 настай Фиби гэсэн гурван хүүхэдтэй.
Том охин нь Стэнфордын их сургуулийн хоёрдугаар курсэд сурдаг. Мөн морин спортын мэргэжлийн тамирчин, олон ч тэмцээнд орсон. Хоёр бага хүүхэд нь эцэг эхийн хамт Сиэтл амьдардаг. Тэрбумтан эхнэрийнхээ хамт Билл-Миландагийн сан хэмээх хөгжиж байгаа орнуудад чиглэсэн боловсрол эрүүл мэндийн буяны саныг 1994 оноос хойш ажиллуулж санхүүжүүлж байна. Энэ хугацаанд нийтдээ 34 тэрбум доллар зарцуулсан талаар тэрбумтан ярьжээ. Түүнийг бурхан болсоны дараа 80 тэрбум долларыг нь хүүхдүүд нь бус харин энэ сан авах аж. Харин хүүхдүүддээ мөнгөний оронд сайн боловсрол, зөв хүмүүжил, ажил мэргэжлийн оновчтой сонголт хандлагийг эзэмшүүлж байгаа гэнэ. Мөн аавынхаа асар их хөрөнгөнд найдалгүйгээр амьдрал бизнесээ босгоход нь зориулж тус бүрд 10 сая доллар өгөхөөр болжээ.
