Тамхитай хүрмээ бааранд орхисонд найз бүсгүйгээ буруутган дөрвөн цаг зоджээ
Нийтэлсэн: 2016-10-25 07:26:46
.jpg)
DailyMail-д мэдээлснээр Глазго хотод гэр бүлийн хүчирхийллийн аймшигт хэрэг гарчээ. Тамхигүй болсоноо мэдсэн залуу эр найз хүүхнээ дөрвөн цагийн турш зодож тамласан байна. 19 настай Жэймс Маккорт гэдэг залуу 18-тай найз бүсгүй Келси Скилленээ олон цагийн турш зодож тарчлаагаад зугтжээ. Бүх зүйл тэднийг бааранд наргиад түрээсийн байрандаа ирсэний дараахан болжээ.
Жэймс тамхитай хүрмээ бааранд мартсан агаад үүндээ найз бүсгүйгээ буруутган харааж зүхэж эхэлжээ. Шууд цохиж унагаад дээр нь мордож суугаад нүүр нүдгүй цохиж зодож гарчээ.
Ухаан алдахад нь ус цацаж сэргээгээд ахин зоджээ. Алуулах нь гэж айсан бүсгүй хөршүүд нь сонсох байх гэж найдан байдгаараа орилж хашгирч тусламж дуудахад зэрлэг найз залуу нь улам бүр улангассан гэнэ.
“Ингэж зодсоныхоо төлөө шоронд орно шүү” гэхэд “Би шоронгоос айхгүй чамайг л алчихвал болоо” гэж догширчээ.
Дарван цаг гаруй найз бүсгүйгээ зодсон Жэймс эцэстээ ядарч жорлон орох үед бүсгүй арайхийн гар утсаараа ээж рүүгээ залгаж амжжээ. Ээж нь ирэхэд зэрлэг хэрцгий ч аймхай хулчгар найз залуу нь зөрөн гарч зугтжээ.
Гэхдээ маргааш нь л баригджээ. Шүүх түүнд 21 сарын хорих ял оноосон бол аймшигтайгаар зодуулсан бүсгүй гурван долоо хоногийн дараа л хөл дээрээ боссон байна.
