Гүүрнээс үсрэх гэсэн амиа хорлогчийн хөлнөөс 30 минут зуурч амийг нь аварчээ
Нийтэлсэн: 2016-10-21 06:37:59
Telegraph-д мэдээлснээр 17 настай Жонатон Кук гэдэг хүү гүүрэн дээрээс үсрэх гэсэн эмэгтэйн хөлнөөс 30 миут зуурч, өрөөсөн гараараа гар утсаараа залган цагдаад мэдэгдээд иртэл нь алдалгүй барьж чадсан гэнэ. Энэ гавьяаныхаа төлөө Хатан хааны Сайн санааны нийгэмлэгийн “Эр зоригийн төлөө” \манай Шударга журам медальтай адил\ өргөмжлөлөөр шагнуулсан байна.
Энэхүү шагнал 1794 онд бий болсон агаад Английн хааны харьяатын амийг аварсан хүнд олгодог гэнэ. Энэ явдал хавар болсон ч одоо л хэвлэлийхэнд мэдэгджээ. Ангийхантайгаа аялалд яваад буцаж байсан Жонатон гүүрний дэргэд нэгэн машин байхыг олж харжээ.
-Эхэндээ би анзаараагүй. Гэтэл машинаас нэгэн эмэгтэй гарч ирээд гүүр лүү явж улмаар хашлага руу авирсан. Хашлага дээр гарахад нь би болохоо байлаа гэж бодоод гүйж очсон. Ятгах гэсэн ч миний үгийг аваагүй. Харин ч намайг буц, юу ч хараагүй гэж бод гэсэн. Би үгэнд нь орон явах гэж байгаа дүр үзүүлж байгаад гэнэт үсрэн хөлнөөс нь зуурахад эмэгтэй доошоо унасан. Гэхдээ би алдаагүй зуурсаар л байсан. Нэг гараараа хөлнөөс нь зуурч нөгөө гараараа арайхийн гар утсаа гарган цагдаад дуудлага өгсөн. Тэд 30 минутын дараа ирсэн-
Хатан хааны Сайн санааны нийгэмлэг залуу хүүг баатар гэж өргөмжилсөн байна.
NUUTS.mn
