Яаралтай дуудлаганд хариулдаггүй оператороос болж наад зах нь нэг хүн амиа алджээ
Нийтэлсэн: 2016-10-20 14:49:38
Бүтэн жилийн турш яаралтай тусламж хүссэн дуудлаганд хариу өгөлгүй харилцууураа шидэлж ирсэн 43 настай оператор Крешанда Уйльямсад бусдын амь нас аюулд орсон үед тусламж үзүүлээгүй гэх зүйл ангиар эрүү үүсгэжээ. Түүний хайнга хүнлэг бус үйлдлээс болж доод тал нь нэг хүн амиа алдсан болохыг мөрдөн байцаалтаар тогтоосон байна. Крешанда ээлжиндээ гарах үедээ нь дунджаар мянга гаруй дуудлага авдаг атал нэгэнд ч анхаарал сэтгэл гаргаж байгаагүй аж. Жилийн дараа л удирдлага нь Крешандагийн авсан дуудлагийн ихэнхи нь 20 секунд л үргэлжилдэг болохыг анзаарч нууц дотоод мөрдлөгө явуулж илрүүлжээ. Тэрээр мөрдөн байцаалтанд тусламж хүссэн дуудлаганд хариу өгдөггүй байсан шалтгаанаа “тухайн үед хэнтэй ч юм ярих сонирхолгүй байсан” гэж хариулжээ. Зэвсэгт дээрэмчид дэлгүүрт халдаж байгаа тухай дуудлаганд “надад үүний учрыг олж байх цаг алга” гэж хариулж байсан нь ярианы бичлэгээр батлагджээ. Гэтэл уг дээрмийн үеэр дэлгүүрийн худалдагч алагдсан гэнэ
НУУЦ.мн
