Тайруулсан эрхтнийг нь гэр бүлийнхээ оршуулгад “оршуул” хэмээн ар гэрт нь хүчээр өгчээ
Нийтэлсэн: 2016-10-07 06:00:53
Эдийн засгийн хүндрэлийн улмаас Оросд санаанд оромгүй явдал шил дараалан гарсаар байна. Орон нутгийн «Зебра ТВ» сувгийн мэдээлснээр Владимир мужийн Гороховецкийн районы нэгдсэн эмнэлэг нь өвчтнүүдийн тайруулсан гар хөл, авахуулсан мухар олгой гэх зэрэг “биологийн материалыг” ар гэрт нь хүчээр шахуу өгдөг болоод удаж байгаа гэнэ. Бүр гэр бүлийнхээ оршуулгад аваачиж оршуул гэж тулгажээ. Районы Пролетарский суурингийн иргэн Елена Емельянова энэ тухай баримттайгаар холбогдох газарт нь болон ХМХ-д хандсан байна. Түүний ярьснаар суурингийн нэг иргэн нь хүүгийнхээ тайруулсан гарыг авахаар эмнэлгийн даргад өргөдөл хүртэл бичжээ.
-Ерөнхий эмч …Танаа
Миний хүүгийн тайруулсан хөл буюу биологийн материалыг гэр бүлийнхээ оршуулгын газарт оршуулах хүсэлтэй тул олгож өгнө үү…-
Гомдол гаргагчдийн мэдүүлснээр ийм өргөдлийг хүчээр тулган бичүүлдэг гэнэ. Мужийн эрүүл мэндийн газрын баталснаар тус эмнэлэг нь эмнэлгийн бохирдол хог хаягдлыг устгах тусгай төхөөрөмж обьекттай байжээ.
НУУЦ.мн
