Хайртай амьтныг минь үхүүллээ хэмээн малын эмчийг үхсэн муураар зоджээ \бичлэг\
Нийтэлсэн: 2016-10-06 08:21:23
Prima Media-д бичсэнээр хайртай муурыг маань эмчилж чадсангүй үхүүллээ хэмээн уурласан эзэн нь малын эмчийг үхсэн муурынхаа цогцосоор гуядаж зодсон хэрэг Оросын Владивосток хотноо гарчээ.
Бие нь гэнэт муудсан муураа тэвэрсээр ирсэн эзэнд нь малын эмч хэтэрхий оройтсоныг нь хэлээд боломжит эмчилгээг бүгдийг нь хийгээд явуулжээ. Гэтэл хөөрхий муур гэртээ харих замдаа эзнийхээ гар дээр үхсэнд тэрээр цогцсыг нь тэвэрсээр найз нараа дагуулан 30 минутын дараа буцаж иржээ. Малын эмнэлэгт оронгуутаа эмчилсэн эмчийг хараан зүхэж үхсэн муураараа ороолгон зодсон байна.
Эмнэлгийнхэн эмчээ хамгаалсан бол муурын эзэнд найз нь нар хүч нэмэгдүүлэн туслажээ. Эцэст нь том зодоон болж хөөрхий малын эмч хамраа хугалуулж бэртсэн байна.
NUUTS.mn
