Ардын намын мисс Ё.Нямжав ДБҮААГ-ын дарга болжээ
“Монголын сайхан бүсгүй-2000” тэмцээний тэргүүн шагналт, муу нэртэй харчуудаар дүүрсэн гэх МАН-ын нэг сайхан чимгийн нэг мисс Ё.Нямжав ГХЯ-ны харьяанд байсан Дипломат байгууллага, үйлчилгээ аж ахуйн газрын даргаар томилогджээ. Мисс бүсгүй өмнө нь НАМХЗ-ны дэд ерөнхийлөгчаар ажиллахын хажуугаар Социнтерний эмэгтэйчүүдийн байгууллагын Ази Номхон далайн бүсийн захирал Д.Энхжаргалын зөвлөх хийж байсан. Харин энэ удаад төрийн том агентлагийг удирдах болсон. Өмнөх урагшгүй дарга нар нь энэ байгууллагийг баахан мундарт хутгасан. Өдгөө СЯ болон ГХЯ-ны хооронд “давхар эзэнтэй” явдаг. ТӨХ-д өгөх гэтэл алдагдалтай ажилладаг гээд татгалзсан. Харин шинэ мисс дарга нь энэ бүх асуудлыг гялалзтал шийдэх биз. Түүнээс гадна 95 байртай Диломат-95 гэдэг том цогцолбор бий. Энэ байрыг хэнд өгөх эсхийг шийдэх даргын нэг нь мисс Ё.Нямжав боллоо. Түүнд Д.Оюунхорол шиг хаан төрийг хатан ухаанаар “засах” билэг чадвар бүрэн тогтоогүй ч сайхны өмнө харц буруугүй гэдгийг харуулах бололтой… Их зантай том гүзээтэй эрэгтэй даргатай болсон бусад агентлагийнхан ДБҮААГ-ынханд атаархаж байгаа гэнэ.
НУУЦ.мн
