Ерөнхийлөгч мэдэгдэлдээ Нямдорж гэдэг нэрийг 28 удаа хэллээ
.jpg)
Уг нь ерөнхийлөгч Эрдэнэтийн “баатар” хоёрд адилхан зүйл нэлээд бий. Овог нь Ц үсгээр эхэлдэг нэр нь Дорж гэж дуусдаг гээд. Гишүүн нь МАХН-ын даргын өмнө уйлж байсан гэдэг бол ерөнхийлөгч нь эхнэрийг нь хүзүүдэн тэвэрч байсан гэсэн. Мөн хоюулаа баруун аймгийх. Гэтэл өдгөө хонь чоно мэт болжээ. Ерөнхийлөгч эрүүгийн хуулийн шинэ төслийн тухайд “мэнгэ нь дөнгө болсон хүн” гэж зарлахад оон нийт хэнийг хэлж байгааг нь шууд ойлгосон. Харин гишүүн нь Эрдэнэтийг гурван томтой ярьж байж хийсэн гэсэн. Тэр гурван томыг нь ерөнхийлөгч манлайлдаг. Өнөөдөр хийсэн мэдэгдэлдээ ерөнхийлөгч Нямдорж гэдэг нэрийг 28 удаа чанга дуугаар нэлээд зуунги байдлаар хэлсэн.
-Ц.Нямдоржийн мэдэгдлийн ард “Эрдэнэт”, ард түмнийг бодсон үнэр ч байхгүй. Ц.Нямдоржийн мэдэгдлийн ард “Эрдэнэт”-ийг шалгаж байгаа ажлын хэсгийн дарга тэр хоёрын хуйвалдаан явж байгаа. Яагаад би Б.Чойжилсүрэн, Ц.Нямдорж хоёрыг хуйвалдсан гэж харж байгаа вэ гэвэл тэр хоёр буруу юм хийж байгаа хүмүүст бололцоо олгоод байна. Энэ бол зүгээр л цэвэр улс төр-
-Улс төрчийн мэдэгдэл сүржин байх тусмаа худлаа байдаг. Ц.Нямдорж намайг тэгж хэлэх хүн мөн үү. Зүгээр л сүржин, хувийн эрх ашиг хөөцөлдсөн мэдэгдэл гэж харж байна. Надаас илүү эрх мэдэл Ц.Нямдоржид байгаа-
Энэ нь тэдний тэмцэл ямар ширүүссэнийг харуулж байна.
