Гал сөнөөгчийг хурим дээр нь гал унтраагчаар шүршээд алах дөхжээ \тэнэглэл, бичлэг\
Нийтэлсэн: 2016-09-27 06:20:17
Хятадад өдгөө өргөн тархаад байгаа хүргэн, бэрийг хурим дээр нь дамшиглаж чаддаг тоглоом хэрээс хэтэрч улам бүр аюултай болж байгааг People’s Daily сонинд мэдээлжээ. Энэ тоглоом сүүлдээ шоглоом болж хүний аминд ч хүрсэн тохиолдол гарсан. Өнгөрсөн жил өөрийг нь чадах гэсэн найз нараасаа зугтаж явсан хүргэн зургаан давхрын тагтан дээрээс нисэж амиа алдсан. Харин энэ удаад хүргэнийг гал унтраагчаар шүршээд алах шахжээ. Гал сөнөөгч мэргэжилтэй хүргэнийг мэргэжлийх нь дагуу шоглохоор шийджээ. Тэрээр дайралт ирнэ гэдгийг таамаглаад ажлынхаа хувцастай гарч ирсэн гэнэ. Энэ үед нь зочид дайран газарт унагаад тал талаас нь гал унтраагчаар шүршжээ. Бичлэгийн эхэн хэсэгт бөөн утаан дундаас юу ч харагдахгүй байна. Утаа сарних үед хахаж цацан ханиалгасан хүргэний амьсгал нь боогдсон байдалтай харагджээ. Эхнэр болох бүсгүй “ус авчраарай та нар ямар тэнэг юм бэ хүн аллаа” хэмээн орилж байна. Гал унтраагчаар шүрших үед хэрвээ хэмжээ нь их байвал хүний амьсгал боогддог гэнэ. Багтраа өвчтэй хүн шууд үхэх ч аюултай тухай хэвлэлд анхааруулсан байна.
NUUTS.mn
