Илүүдэл жинтэнтэй хамт суулган 9 цаг нисгэж зовоосон нисэх компанийг шүүхэд өгчээ
Нийтэлсэн: 2016-09-24 07:08:57
Есөн цагийн нислэгийн турш тарган хүний хажууд шахцалдан суух гэж зовж гүйцсэн итали ахимаг эр буусан хойноо нисэх компанийг шүүхэд өгсөн тухай The Local мэдээлжээ. Илүүдэл жинтний дэргэд зовж гүйцсэн энэ явдал Emirates компаний Boeing 777 онгоцоор Өмнөд Африкийн БНУ-ын нийслэл Кейптаунаас Арабын Эмиратын Дубай нислэгд болжээ. Уг онгоцонд тийз захиалсан Италийн хуульч Жоржио Дестрогийн “хөрш” нь илүүдэл жинтэй тарган нэгэн байж таарчээ. Хэт бүдүүн түүний дэргэд өөрийн суудалдаа суух ямар ч арга байгаагүй гэнэ. Хөрш нь жин болон биеийн хэмжээгээрээ азгүй итали эрийн суудлын тэн хагасыг “эзэгнээд” авчээ. Хэдий өөрөө туранхай ч үлдсэн бяцхан зайнд нь багтах шингэх ямар ч боломж байсангүй. Тэрээр үйлчлэгчид хандаж өөр суудал гаргаж өгөхийг шаардахад бүгд эзэнтэй тул тусалж чадахгүй гэжээ.
