Нууц мэдээллийн уурхай

Наран улсын Хүн амын бодлого, аюулгүй байдлын институтын Засгийн газартаа өргөн барьсан судалгаанд япончуудыг 34 хүртэлх  насныхны 70 хувь нь ганц бие бөгөөд тэднээс бүр 40 хувь нь онгон\зандан болохыг дурдсан нь шуугиан тарьжээ. “Чухам энэ нь л хүн амын тоо сүүлийн таван жилийн турш жилд нэг саяар тогтмол буурч байгаагийн гол шалтгаан юм” хэмээн судлаач Хитоши Иши баталжээ. Нарийвчилсан судалгаагаар 18-34 насны эрчүүдийн 42 хувь нь сексыг байгалийн жам ёсоор нь хийж үзээгүй бол энэ насны эмэгтэйчүүдийн 44,2 хувь нь ерөөсөө бэлгийн хавьталд орж байгаагүй гэсэн байна. Ийм төрлийн тусгай судалгааг засгийн газрын захиалгаар 2010 онд хийж байсан гэнэ. Тэгэхэд мөн насны эрчүүдийн 36.2 хувь нь зандан, эмэгтэйчүүдийн 38.7 хувь нь онгон хэвээрээ байна гэсэн дүн гарч байжээ. Хэрэв байдал энэ хэвээрээ цаашид үргэлжилбэл гоонь эрчүүдийн 70 хувь нь, ганц бие эмэгтэйчүүдийн 60 хувь амьдралдаа секс гэгчийг үзэж мэдрэлгүй хөгшрөх аюултайг судлаачид анхааруулжээ. Эмэгтэйчүүдийн тухайд тэд бэлгийн амьдрлын оргил үе болох 20 наснаасаа эхлээд л ганц бие зожиг хэлбэрт орж бэлгийн хамтрагчгүй болдог аж.  Түүнээс гадна энэ байдалдаа бүр дасал болсон гэнэ. Судалгаанд оролцсон эмэгтэйчүүд 90 хувь нь ойрын үед гэрлэх төлөвлөгөөгүй байгаагаа мэдэгджээ.  Түүнээс гадна бас нэг аюултай хандлага ажиглагдсан нь эсрэг хүйсээ сонирхох сонирхол буурсан байна. Судалгаанд хамрагдсан 3000 эрэгтэйн 30 хувь, 3200 эмэгтэйн 26 хувь нь эсрэг хүйсээ баттай сонирхдог эсэхдээ эргэлздэг болсон гэжээ. “Манайд гэрлэх үр хүүхэдтэй болох нь тухайн хүнийг маш их ээдрээтэй байдалд оруулдаг асуудал болсон хувирсан. Хүмүүс өөр өөрийнхөөрөө үүний учиг зангилааг гаргах гэж оролддог ч ихэнхи тохиолдолд тэдний хүсэл нь бодит байдалтай эрс зөрөлддөгөөс оройтож гэрлэх эсвэл насаараа ганц бие явдаг” хэмээн судлаач тайлбарлажээ. 

НУУЦ.мн