Сөрөг хүчин Димитрий Медведевын 80 гектар талбайтай нууц зусланг илрүүлжээ \бичлэг\
.jpg)
Оросын сөрөг хүчний гол төлөөлөл болох Алексей Навальныйгийн удирддаг «Фонд борьбы с коррупцией» нь Ерөнхий сайд Димитрий Медведевын 80 гектар талбайтай зусланг нь илрүүлжээ. Энэ өндөр хашааны цаана байгаа аж.
.jpg)
ЕС энэ обьектынхоо тухай ХОМ-доо огт оруулаагүй гэнэ. Гүйцэтгэх засаглалын тэргүүний зуслан нь эдэлбэр газрынхаа хэмжээгээр шууд л шуугиан дэгдээсэн. Түүний 80 гектар газрын дэргэд Улаан талбай нь хамаагүй жижигхэн ердөө 30-хан гектар гэнэ. Ерөнхий сайдын зуслан Москва орчмын Ивановын хязгаарын Плёс гэдэг уул ус ургамал нь тэгширсэн сайхан газар байдаг аж. Дроноор авсан зургаар уг зуслан дотор нисдэг тэрэг буух гурван талбай, тусгай холбооны цамхаг, нуурын эргийн усан зогсоол, хоёр жижиг усан онгоц, цаны зам, зочид буудал, хөлбөмбөгийн талбай, хоёр автозогсоол, сүм, дулааны станц, шатрын асар том задгай хөлөг байна.
.jpg)
Харин энэ байшинд ЕС өөрөө залардаг гэнэ.
Алексей Навальныйгийн батласнаар Медведев зуслангаасаа авсан зургаа байнга цахимд оруулдаг гэнэ «Фонд борьбы с коррупцией»-гийн олж тогтоосноор уг зусланг буяны үйл ажиллагаа явуулдаг ДАР сангийн хөрөнгөөр барьжээ. Сангийн тэргүүн Иья Елисев нь ЕС-ын их сургуулийн нэг ангийх нь найз гэнэ.
.jpg)
“Байгалийн хийн НОВАТЕК группын хувьцаа эзэмшигч Михельсон болон Симановский нар ДАР санд 33 тэрбум рубль хандивлаж байсан. Энэ мөнгөөр л Медведевын зуслан баригдсан байж болзошгүй” хэмээн Алексей Навальный бичжээ.
НУУЦ.мн
