Нууц мэдээллийн уурхай

Daily Mail –д мэдээлснээр Англий цагдаа нар Инстаграмын ачаар эртнээс мөрдөж байсан 12 гишүүнтэй хар тамхины бүлэглэлийн нэгийг нь барьж авчээ. Улмаар бусдыг нь ч баривчилсан байна. Уг бүлэглэлийг харгис хэрцгийгээрээ цуутай Асмиральд Мирак гэдэг албани эр удирддаг байжээ. Харин дүүрэн мөнгөтэй онгоцонд умбаж байгаа зургаа цахимд оруулан цагдаа нарт сэжиглэгдсэн 29 настай Леви Уотсон нь түүний баруун гар байжээ.

Цагдаа нар цахим хуудаснаас нь мөнгөөр дүүргэсэн онгоцонд сууж байгаа болон Lamborghini, нисдэг тэрэг унасан зургийг нь олжээ.

Баригдсан Леви зурагнуудыг хуурамч, өөрөө туслах тогооч хийж амьдралаа залгуулдаг гэж мэлзсэн ч цагдаагийнхан итгэсэнгүй. Харин ч мөрдлөгөө лавшруулан Англид хар тамхи оруулж ирдэг том бүлэглэлийн 2-р хүн болохыг нь тогтоосон байна. Удалгүй бүлгийн бусад гишүүдийг ч баривчилжээ. Эдгээр зурагнуудаас гадна Левийн клип ч сэжиг төрүүлэм байсан гэнэ. Өнгөрсөн оны 10-р сард тэрээр реп төрлөөр Hell’s Kitchen буюу “Тамын гол тогоо” гэдэг нэртэй клип хийлгэж “урьд нь туслах тогооч хийн шал угааж ногоо арилгадаг байсан бол өдгөө хар тамхи зараад ахлах тогооч болсон” гэж дуулжээ. Леви нь өөрийн цахим хуудсандаа Бобби Шмурдын тухай “Найз нөхөд надад Шмурд шиг сайхан амьдрах боломжийг өглөө” хэмээн бичжээ. Левиг баригдах үеэр Америкийн цагдаа нар ч реппэр Шмурдыг хар тамхины наймааны хэргээр баривчилсан байна.

НУУЦ.мн