Архангай аймгийн харъяат Г нь Английн иргэний амь насыг хохироожээ
Нийтэлсэн: 2016-09-14 03:38:06
Өнгөрсөн наймдугаар сарын 31-нд Англи улсын иргэн Стивен Нэйш гэх уулчин Монгол улсын нутаг дэвсгэрт амиа алдсан хэрэг гарсан. Тухайн хэргийг Архангай аймгийн цагдаагийн газар болон Мөрдөн байцаах газрын онц хүнд гэмт хэрэг мөрдөх хэлтсээс хамтарсан ажлын хэсэг шалгасан. ЦЕГ-ын Хэвлэл мэдээллийн төвөөс дахин мэдээлэл хийлээ. Тус төвийн дарга, цагдаагийн дэд хурандаа Б.Баатархүү "Архангай аймгийн Хангай сумын Хэрх багийн нутагт Англи улсын иргэн 53 настай Стив Нэш нас барсан хэрэг гарсан. Хэргийг үйлдсэн сэжигтнийг тогтоон шалгаж байна. Архангай аймгийн харъяат Г нь1981 онд төрсөн 34 настай. 2014 онд гэмт хэрэгт шалгагдаж байгаад 2016 онд тэнсэн авсан. Энэ хугацаандаа энэ хэргийг үйлдсэн нь тогтоогдож шалгаж байна. Шүүхийн задлан шинжилгээний анхны дүгнэлтээр гадны нөлөөгөөр нас барсан нь тогтоогдсон. Мөн хохирогчийн биеэс алдсан бичиг баримт онгоцны тийзэд нотлох баримтыг устгах гэж байсныг хурааж авсан" гэлээ.
НУУЦ.мн
