93-тай эмгэний сарын тэтгэвэрийг хулгайлсан этгээдийг хот даяараа мөрдөж олжээ
Нийтэлсэн: 2016-09-13 15:43:55
Улаанбаатард гарамгүй үйл явдал Нью-Йорк хотод болжээ. 93 настай Марий Васкес нь чихрийн шижингийн улмаас суунги болж өдгөө Зүүн Харлем дахь улсын асрамжийн газар асруулдаг. Түүний сарын тэтгэвэр нь 600 доллар гэнэ. Тэрээр хүнээр түрүүлэн банкнаас 8-р сарын тэтгэвэрээ аваад өөртөө туфль авахаар REGINE их дэлгүүрт очжээ. Түрүүвчээ хэрэндээ л нууж хөхөвчиндээ хийсэн гэнэ. Гэсэн ч тэндээс хүртэл сугалж чаддаг энэхүү урт үстэй урт гартан тэргэнцэртэй эмээг дагасаар түрүүвчийг нь суйлжээ.
Эмгэн бүх мөнгөө алдсанаа мэдээд цочролд орсон аж. Хяналтын камерийн энэ бичлэгийн ачаар хулгайчийн гадаад төрхийг тогтоож чадсан байна. Асаргаанд байдаг суунги эмгэний сарын тэтгэвэрийг нь хулгайлсан хэрэг цахимаар тарж тэр дороо олныг шуугиулжээ. Хоёр хоногийн дараа цагдаа нар Бруклинаас 26 настай хулгайчийг баривчилжээ.
Энэ хооронд сэтгэл уяраам үйл явлууд шил дараалан болжээ. Их дэлгүүрийн захиргаа дэлгүүрт нь хулгайд мөнгөө алдсанд уучлал гуйгаад 600 долларыг нь бэлнээр төлж өгчээ. Мөн худалдан авах гэсэн туфлийг нь бэлэглэсэн байна.
Баруун Нью-Йорк хотын дарга Феликс Рок хувиасаа 1000 долларын туслалцаа үзүүлжээ.
Тэтгэвэрийн бүх мөнгөө алдсан эмээд туслах хөдөлгөөн цахимаар өрнөхөд 2000 доллар цугларсныг мөн өгчээ. Марий ийнхүү огт танихгүй хүмүүс өөрт нь тусалсанд маш их гайхаж мөн баярласан гэдгээ ярьжээ.
НУУЦ.мн
