Таван яамны ТНБД нарыг сонгон шалгаруулжээ
Төрийн албаны зөвлөлөөс таван яамны Төрийн нарийн бичгийн даргын сонгон шалгаруулалтыг өчигдөр зохион байгууллаа. Үүнд:
Д.Даваасүрэн Гадаад харилцааны яамны,
Г.Баясгалан Хууль зүй, дотоод хэргийн яамны,
Г.Нандинжаргал Уул уурхай, хүнд үйлдвэрийн яамны,
Г.Өнөрбаяр Хөдөлмөр, нийгмийн хамгааллын яамны,
Л.Баяртулга Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн даргын албан тушаалд тус тус тэнцжээ.
Харин Эрүүл мэндийн яамны Төрийн нарийн бичгийн даргаар ажиллаж байсан өмнөх хүмүүс шүүхэд гомдол гаргасан тул Нийслэлийн захиргааны хэргийн анхан шатны шүүгчээс ирүүлсэн захирамжийг хэрэгжүүлж, сонгон шалгаруулалтыг хойшлуулжээ. Тус яамны Төрийн нарийн бичгийн даргын албан тушаалд өрсөлдөхөөр зургаан хүн бүртгүүлсэн юм. Сонгон шалгаруулалтад бүртгүүлэхээр ирсэн 18 иргэний дөрөв нь тухайн ажлын байранд тавьж байгаа мэргэжил, мэргэшил, туршлагын шаардлага хангаагүй тул бүртгэхээс татгалзсан байна.
НУУЦ.мн
