Дарааллын босс “бизнесээ” өргөжүүлэн дороо 7 ажилтан авчээ
Нийтэлсэн: 2016-09-12 08:32:50
Ажилгүй нэгэн эрийн овсгоотой бизнесийн тухай өгүүлье. Роберт Самуил гэдэг энэ эр “AT&T” компанид ажиллаж байгаад цомхотголд орж нэг л өдөр гудамжинд гарчээ. Гэхдээ тэрээр дэргэд нь л муугүй ашиг өгөх дажгүй бизнес байгааг олж харж чаджээ. Шинэ бизнесийнх нь санааг iPhone 5 худалдаанд гарсан өдөр Apple Store-ийн үүдэн шавсан хүмүүс уртаас урт дараалал өгсөн гэнэ.
-Манайх эндээс холгүй тул би өглөө эрт ирж дараалал авч чадах юм байна гэж бодогдлоо. Гэсэн ч ядаргаатай хүлээлтээр дүүрэн бизнес хийх гэж байгаагаа ойлгоод жаахан шантарсан. Би дарааллын сүүл хавьцаа зогсож байгаа хүн дээр очоод хөлсөөр оронд нь зогсож өгч болох юм гэлээ. Тэр хүн зөвшөөрч надад 100 доллар өгөөд явсан” хэмээн Роберт бизнесийнхээ гарааны тухай ярьжээ. Дараа нь тэрээр ажилгүй найз нараа 25-50 доллароор хөлслөн дараалалд зогсоогоод ядраад явахад нь байрыг нь 100 доллароор зардаг болжээ. Мөн жижигхэн модон хайрцаг 2 доллароор бөөндөж аваад урт дараалалд удаан зогссон хүмүүсд хөлөө амраа хэмээн 5 доллароор зарж эхэлсэн гэнэ. Хаана шинэ бараа эхэлж зарагдах нь гэдгийг урьдчилж судлаад эхэнд нь дараалал авна. Мөн дарааллын захиалга ч авна. Удаан хүлээхээс залхсан хүмүүсд хөлсөөр барааг нь авч өгдөг гэнэ. Өдгөө Роберт бизнесээ өргөжүүлэн долоо ажилтантай болжээ.
-Америкчууд ямар нэгэн шинэ зүйлээс хоцрохоос айдаг ичдэг сонин хүмүүс шүү дээ. Шинэ бараа бүтээгдэхүүн гарсан бол хамгийн түрүүнд авах хэрэглэх гэнэ. Шинэ баар зоогийн газар нээгдвэл мөн л хамгийн түрүүнд ороод дараа нь бусдад ярьж өгөх дуртай. Ямар нэгэн зүйл хүссэн нь бол түүнийхээ төлөө хэдийг ч хамаагүй зарцуулах гэдэг. Харин би шөнө дөлөөр нэг гартаа мешоктой, нөгөө гартай хачиртай талхтэй ирээд тэдний мөрөөдлийг биелүүлэх гэдэг. Миний ачаар тэд дараалалд зогсож өнгөрөөдөг үнэтэй цагаа хэмнэдэг юм-
NUUTS.mn
