Эхнэрээсээ залхсан хөгшин эр холхон байхын тулд банк дээрэмджээ
Нийтэлсэн: 2016-09-09 05:50:57
The Independent-д мэдээлсэнээр Канзас мужийн 60 настай Лоуренсс Рипл гэдэг энэ эр үглээ яншаа эхнэрээсээ жаахан ч гэсэн холхон байхын тулд шоронд орох зорилгоор банк дээрэмдсэн гэнэ.
Тэрээр хотынхоо банкны нэгэн салбарт гар буутай ирээд бүх бэлэн мөнгөө өгөхийг шаарджээ. Хөгшин эр гурван мянга гаруй доллар аваад зугтаахын оронд хүлээлгийн танхимд тайван сууж цагдаа нарыг хүлээсэн байна. Цагдаа нар ирэхэд шууд бууж өгч эхнэрээсээ залхахдаа шоронд орох зорилгоор банк дээрэмдсэн гэдгээ хүлээжээ. Гэрээсээ гарахдаа эхнэрдээ чамаас хол байхын тулд шоронд орохоор явлаа гэж хүртэл хэлжээ. Шүүх хөгшин эрийг барьцаагаар сулласан агаад тэрээр одоо гэртээ бус найзындаа шүүх хурлаа хүлээн суугаа гэнэ.
НУУЦ.мн
