Охин насанд нь хүчиндсэн этгээдийг цагдаа болсон хойноо илрүүлэн баривчилжээ
Нийтэлсэн: 2016-09-09 05:14:32
Америкийн Техас мужид одоогоос 13 жилийн өмнө хүүхэд байхад нь хүчиндсан этгээдийг цагдаа болсон хойноо мөрдөн илрүүлж баривчилсан эмэгтэй мөрдөгч од болж байна. Daily Beast-д бичсэнээр Ханна гэх эмэгтэй цагдаагийн тухай тодорхой мэдээллийг цагдаагийнхан өгөхгүй байгаа аж. 1990-ээд оны дунд үед гэрт нь амьдарч байсан Эрлис Чайсон гэдэг энэ эр Ханнаг найман настайгаас нь эхлэн 12 хүртэл нь олонтоо хүчирхийлжээ.
Тухайн үед 30 настай байсан эрийн бага насны хүүхэд хүчирхийлсэн нь нотлогдоогүй тул насанд хүрээгүй хүнийг садар самуунд уруу татахыг завдсан гэх зүйл ангиар шоронд оржээ. Тэр цагаас хойш Ханна өөрийг нь хүчирхийлж сэтгэл санааны болон бие махбодийн асар их хохирол эмгэг учруулсан хүний тухай ахиж сонсоогүй гэнэ. Гэсэн ч олон жил үргэлжилсэн аймшигт хүчирхийлэл охинд маш хортой үл мөр үлдээсэн байлаа. Тэрээр өсвөр насандаа охидын эмчийн хяналтанд явдаг, байнга сэтгэлзүйн туслалцаа авдаг байжээ. Ханна зохих ёсны ял шийтгэлээ хүлээгээгүй завшсан Эрлисийг олох л гэж цагдаагийн мэргэжил сонгосон гэнэ. Ажилдаа орсон хойноо туршлагатай мөрдөгч Брэд Бондын туслалцаатайгаар хүчирхийлэгчийн оршин суугаа хаягийг тогтоож чаджээ. Дараа нь өөрөө санаачилга гарган Эрлистэй хувийн шугмаар уулзах санал тавьсан аж. Уулзалтанд очихдоо нууц дуу хураагуур болон гар буугаа авч явжээ. Тэдний яриа 90 минут үргэлжилсэн агаад энэ хооронд Эрлис Ханнаг багад нь давтан үйлдлээр хүчирхийлж байснаа зургаан удаа хүлээн зөвшөөрчээ. Тэрээр өнгөрснийг дурсахдаа өөрийгөө зөвтгөж Ханнаг буруутгаж байсан гэнэ.
