Параолимпоос жүдоч Б.Ууганхүү хүрэл медаль хүртлээ
Нийтэлсэн: 2016-09-09 00:30:32
Бразилийн Рио де Жанейро хотноо болж буй зуны XV паралимпийн наадмын харааны бэрхшээлтэй иргэдийн жүдо бөхийн эрэгтэйчүүдийн 60кг-д Б.Ууганхүү наадмын салхийг хагалан өрсөлдөж эх орондоо анхны медалийг авчирлаа. Б.Ууганхүү медалийн төлөөх шийдвэрлэх барилдаанд Азербайжаны бөхийг эхний дөрвөн секундэд цэвэр ялж, паралимпийн медальтан боллоо. Азербайжаны бөх "Бээжин 2008" хүрэл, "Лондон 2012" алтан медальт бөх юм. Б.Ууганхүүгийн өнөөдрийн барилдааны талаар эргэн сануулахад, тэрээр хэсгийн аваргын төлөөх барилдаанд Японы Макото Хиросег хожиж яваад цэвэр ялагдсанюм. Харин дагах барилдаанд БНСУ-ын бөх Минжае Лиг цэвэр ялснаар хүрэл медалийн төлөө барилдах эрхтэй болж, Азербайжаны бөх Рамин Ибрахимовыг ялан хүрэл медалийн эзэн боллоо.
НУУЦ.мн
