Нууц мэдээллийн уурхай

Өдгөө Даррен Мэчон гэдэг бүтэлгүй англи дээрэмчин Topman брендийн дотоож худалдаж авсандаа үсээ үгтээгээд сууж байгаа гэнэ. Metro.co.uk-д мэдээлснээр тэрээр өглөө эрт нэгэн айлыг дээрэмдэх гэж дайран ороод ширүүн эсэргүүцэлтэй тулгарчээ. Хамгаалагчид дээрэмчнээс хүчтэй байсан тул тулааны эцэст Даррен өмдөө татсаар гарч зугтаасан байна. Гэхдээ гэрийн эзэд түүний Topman брэндийн энэхүү хотдог, бургер зэрэг түргэн хоолны зурагтай дотоожийг нь сайн харж бас тогтоож авснаа цагдаад гаргасан өргөдөлдөө зурахаас наагуур бичиж өгчээ.

Цагдаа нар зугтаасан дээрэмчнийг мөрдсөн ч олсонгүй. Гэтэл өглөө нь дээрмийн халдлага гарсан дүүргийн цагдаа нар орой нь бааранд танхайрсан хэсэг танхайчуудыг баривчилжээ. Үзлэгийн үеэр цагдаа нарын нэг нь өглөөний өргөдөлд дурдагдсан дотоож өмссөн эр зогсож байхыг гэнэт ажигласнаар хөөрхий бүтэлгүй дээрэмчин баригдсан байна. Даррены өглөөний дайралтыг амжилттай няцаасан гэр бүлийнхэн ирээд түүнийг шууд таньсан гэнэ.

НУУЦ.мн