Риогийн мөнгөн медальтан медалиа зарж өвчтэй хүүхдийн эмчилгээнд хандивлажээ
Нийтэлсэн: 2016-08-25 02:43:15
.jpg)
Манай олимпийн медальтнууд зөвхөн авдаг бол гадныхан эсрэгээрээ өгдөг аж. Риогийн Олимпийн зээрэгцэг шидэльтийн төрөлд мөнгөн медаль хүртсэн Польшийн Петр Малалковски медалиа дуудлага худалдаагаар зарж нүдний ховор тохиолдох хүнд өвчин туссан нутаг нэгт хүү Олекийн эмчилгээнд хадивлажээ.
.jpg)
Дуудлага худалдаа Варшавын Аллегро хэмээх худалдааны төвд болсон гэнэ. Петрийн мөнгөн медалийг нэгэн том бизнесмэн 126 мянган доллароор үнэ цохин худалдан авчээ. Олек хүүгийн хагалгааг зөвхөн Америкт л хийх боломжтой тул эмчилгээний зардал нь ихээхэн өндөр гарч байгаа аж. Хүү яаралтай мэс засал хийлгэхгүй бол сохрох бүр амь насаа алдах эрсдэлтэй болсоны дээр эцэг эх нь төлбөрийн чадваргүй тул туслахаар шийдсэн тухайгаа мөнгөн медальтан ярьжээ. “Надад Олимпийн мөнгөн медальтан гэдэг алдар нэр нь л байхад болно. Медаль хамаагүй, зарсандаа харамсахгүй харин ч энэ хүүд тус болж байгаадаа баяртай байна” гэж Петр ярьжээ.
NUUTS.mn
