Г.Мандахнаранг луйвардсан шүүгч нь Узбекстаны ЧБХ-ны НБД гэнэ
Нийтэлсэн: 2016-08-22 02:47:14
“Рио-2016” наадмын чөлөөт бөхийн 65 кг-ын жингийн хүрэл медалийн төлөө өчигдөр Г.Мандахнаран Узбекстаны бөх Наврузовтай барилдсан. Гэвч цаг дуусах мөчид манай бөхөд барьц өгөхгүй зугатсан нэрийдлээр эсрэг бөхөд оноо өгч торгосноор Узбекийн бөх хүрэл медаль хүртсэн юм. Онооны шийдвэрийг манай дасгалжуулагчид эсэргүүцэж дэвжээн дээр хувцас, гутлаа тайлж эсэргүүцлээ илэрхийлж байсан. Барилдааны тухай Монголын чөлөөт бөхийн холбооны ерөнхийлөгч Д.Дагвадорж өөрийн Twitter хуудсандаа “UWW (Дэлхийн бөхийн нэгдсэн холбоо) Оросын хүчинд хэт автсан. Үүний эсрэг АНУ, Канад байнга тэмцэлтэй байдаг. Хуучин ЗХУ байдаг нэг команд” хэмээсэн байна. Мөн тэрбээр “Арай ч дээ, арай ч дээ. Өмхий узбект үхтлээ тусалсан. Узбекийн бөхийн холбооны дарга Монголд эргээд зусалж зусалж явдаг. Орос узбек нэг” гэжээ. Барилдааны ерөнхий шүүгчээр ажилласан орос үндэстэн Константин Михайлов нь Узбекстаны ЧБХ-ны НБД гэнэ.
НУУЦ.мн
