Олимпоос медаль аваагүй “шалтгааныг” экс сайд Ц.Оюунгэрэл тодруулжээ
Нийтэлсэн: 2016-08-20 04:44:51
Монголын баг тамирчид Риогийн Олимпооос ганзага хоосон буцаж ирж байгаагийн учир шалтгааныг цагтаа спортын салбарыг хариуцан удирдаж байсан Ц.Оюунгэрэл яг таг олж тогтоосон байна. Олимпоос олигтой медаль авч чадахгүй байгаагийн шалтгаан нь төрийн ордонд ямар нам сууснаас болдог аж. Түүх сөхвөл 2008 оныд Бээжингийн олимпоос манайх 2 алт, 2 мөнгө авч 31-р байрт. 2012 онд Лондонгийн олимпоос 2 мөнгө 3 хүрэл 56-р байрт орсон. Хэрвээ засаг барьдаг намаас болжээ гэж үзэх юм бол АН засаг барьсан 4 жилүүд буюу 1996, 2000 оны олимпоос медальгүй хоцорсон бөгөөд Риогийн олимпод ч тун тааруухан оролцож байна.Ц.Оюунгэрэлийг сайд байх үед л голлох спорт холбоог аагтай омогтой мөнгөтэй баячууд “хувьчилж” авах нь хавтгайрсан. Бие биедээ арилжааны хөгшин морь шиг шилжүүлж байсан. Төрөөс спортод тавьж байгаа бодлого нь гадаад уралдааны тэмцээний санхүүжилтийг л гаргахаас хэтрэхээ больсон. Спорт хариуцсан яамных нь бодлогийн дампуурал холбоодыг атгасан баячуудынх нь завхрал хоёр нийлээд Монголын спортыг ямар түвшинд хүртэл унагасаныг Риогийн Олимп тодоос тод харууллаа.
НУУЦ.мн
