Нууц мэдээллийн уурхай

17 насандаа авсан нурууны хүнд бэртлийн улмаас бүсэлхийнээс доошоо мэдээ алдсан Жэки Гончар бүсгүй энэ жил 25 насандаа нөхөрт гарчээ.

Хүнд бэртлийн улмаас суунги болсон тэрээр хуримынхаа алтан мөч болох бөгж солилцох болон нөхөртэйгөө бүжих эхний бүжгийн үеэр заавал хөл дээрээ зогсоно гэсэн хатуу зорилгоор бүтэн жил бэлтгээд амжилтанд хүрч цугласан олныг гайхуулсан тухай  The Atlanta Journal-Constitution мэдээлсэн байна. Бэртэл авч саажсан түүнийг эмч нар хөл дээрээ босох ямар ч найдлагагүй гэж мэдэгдсэн. Ийнхүү софтболоор хичээллэдэг спортлог охин насан туршдаа тэргэнцэрд хадагсан эмэгтэй болох гуниг хувь заяатай тулжээ. Гэсэн өдгөө найман жилийн турш тэрээр хөл дээрээ босох ганц итгэлээр бэлтгэл хийсээр иржээ. Бэртэл авснаасаа хойш хоёр жилийн дараа гэхэд 30 минут зогсож чаддаг болсон гэнэ. Улмаар энэ хугацаагаа уртасгасаар байжээ. Жэки ирээдүйн нөхөр Эддитэйгээ танилцах сайтаар дамжуулан танилцжээ. Залуус бие биедээ дурлан гэрлэхэд суунги сүйт бүсгүй хөл дээрээ босон бөгж солилцох болон анхны бүжгийг хийнэ гэж нөхөрдөө амласан гэнэ. Сүүийн нэг жилд нь бүр ч эрчимтэй дасгал сургууль хийжээ. Жэкийг хурмын зааланд тэргэнцэртэй ирэхэд хэн ч гайхсангүй.

Харин хөл дээрээ босон ахлах үед бүгд мэл гайхсан байна.

Хуримын ёслол нийт таван цаг үргэлжилэхээс эхний нэг цагт нь л хөл дээрээ босно гэж төлөвлөсөн ч бүтэн нэг цагаар ахиулж олны гайхшрал бишрэлийг төрүүлснээс гадна нөхрөө ч уйлуулаад авчээ.

НУУЦ.мн