С.Батцэцэг, Э.Сумъяа нар ялагдлаа
Нийтэлсэн: 2016-08-19 01:32:28
53 кг-ын жинд олон улсын хэмжээний мастер Э.Сумьяа “Б” хэсэгт нэгдүгээр тойрогт хийлж хоёрдугаар тойрогт польшийн бөх Катарзина Кравчуктай барилдаж хөлдөө алдаж оноо алдсаар 6:8 онооны харьцаагаар ялагдав. Олимпийн дэвжээнд өрсөлдөгчөөсөө 2 илүү байхдаа барилдаан дуусахаас 20 секундын өмнө зүүн хөлөө алдан ардаа гаргаж 2 оноо алдаж хожигдсоныг нь хариуцлагагүй барилдсан гэж хэлэхээс өөр арга алга. Польшийн бөх дараагийн тойрогт шведийн бөх София Магдалена Маттссонд 3:9 онооны харьцаагаар ялагдаж манай бөхөд дагах барилдаан хийх боломж гарсангүй.
3 кг-ын жинд “А” хэсэгт орсон Гавьяат тамирчин С.Батцэцэг баруун мөрөндөө гэмтэлтэй ч дэвжээнд гарч нэгдүгээр тойрогт хийлж хоёрдугаар тойрогт нигерийн бөх Блессинг Оборудудуг ялж хоёрдугаар тойрогт АНУ-ын бөх Елена Пирожковатай барилдахдаа 1 оноогоор торгуулж хөлд нь сууж 2 оноо авч хожиж байхдаа баруун хөлд нь дутуу орж өрсөлдөгчөө ардаа гаргаж 2 оноо алдаж 2:3 онооны харьцаагаар ялагдлаа. Туршлагатай бөх хожиж явахдаа өрсөлдөгч нь гарцаагүй давшилт хийх гэж байхад хөлд нь дутуу явж оноо алдаж ялалтаа алдсаныг уучилж болшгүй. Өмнө нь түүнийг 2013 онд Унгар улсын Будапешт хотод болсон ДАШТ-нд АНУ-ын бөхийг хоёрдугаар тойрогт цэвэр ялж байсан юм. Е.Пирожкова хагас шигшээ барилдаанд беларуссын бөх Мария Мамащуктай өрсөлдөж 2:3 онооны харьцаагаар хожигдсоноор манай бөх хасагдлаа.
НУУЦ.мн
