Москвагийн гей-парадын удирдагч Оросын гей улстөрчдийг зарлажээ
Оросд ижил хүйстнүүдийг ихээхэн ялгаварлан гадуурхдаг. Гей харьцааг “мужеловство” гэх нэрээр Эрүүгийн хуулиндаа оруулан хатуу ял оноохоор заасан. Гэтэл цэнхэрүүдийн эсрэг ийм хатуу гаргасан төр засгийн дээд түвшинд нь цөөнгүй цэнхэр улстөрчид байдаг гэнэ.
Герман Греф
Саяхан “Эхо Москвы” радиогийн шууд нэвтрүүлгээр Москвагийн гей-парадыг зохион байгуулагч Николай Алексеев улстөрч гурван гейг нэр зааж зарлана гээд нь хоёрыг нэрлэх үед хөтлөгч яриаг нь шууд хаасан. Нэр зарлагдсан нь Оросын төрийн өмчит банк болох Сбербанк\хадгаламжийн\-ын захирал Герман Греф гэнэ. Гэхдээ тэрээр гэр бүлтэй хүүхэдтэй аж. Нөгөө нь Ерөнхийлөгчийн тамгын газрын орлогч дарга Вячеслав Володин аж.
Гей парадын зохион байгуулагчийн үгийг нэрт улстөр судлаач Станислав Белковский бараг л баталжээ.
Тэрээр “…Володин нь Төрийн думын даргаар очих анхны гей биш. Манай анхны гей спикер чинь Геннадий Селезнев\1996-2003\ байсан юм. Харин Путины тамгын газрын орлогч дарга хоёрдахь нь л болох байх” гэсэн нь бүр шуугиан тариад байна. Геннадий Селезнев нь нэрт дуучин Николай Басковтой амрагийн харьцаатай байсан аж. Герман Греф, Вячеслав Володин нар цэнхэр болох шуугианыг “Единая Россия” нам няцааж Америкийн төрийн департаментийн захиалгат явуулга гэж мэдэгдсэн.
Борис Грызлов
Төрийн думын дарга байсан Борис Грызловыг ч хэвийн бус бэлгийн чиг баримжаатай гэдэг. Түүнийг амраг Юрий Шуваловаа байнга чирч тэтгэж явдаг гэжээ. “Грызлов намынхаа Шуваловыг өөрөөс салгадаггүйг та нар мэдэх үү…цаадахь нь 15 насаар дүү шүү дээ. Думын гишүүн болонгуутаа Москвад авчиран намын аппаратанд өндөр албан тушаалд тавиулсан. 2000 онд Грызлов ДХЯ-ны сайд болонгуутаа Шуваловыг яамны Мэдээллийн төвийн дарга болгосон. Дараа нь Думд буцан ирж спикер болонгуутаа өмнөх ХМОНХА-ыг хөөж тараагаад оронд нь дүүдээ зориулан шинээр хэвлэлийн мэдээлэл олон нийттэй харилцах бүр газар байгуулж өгсөн. Шуваловыг хэн ч мэдэхгүй ч дээ…думын 18 жилийн түүхэн дэх хамгийн олонд танигдаагүй хэвлэлийн албаны дарга байсан…Түүнийг ямар хүн гэдгийг хүмүүс мэдээд л зайгаа авдаг” гэжээ.
Михайл Прохоров
Хоёр метр өндөр өндөр энэ тэрбумтан одоо болтол гэрлээгүй найз бүсгүй ч байхгүй тул гомо нарын жагсаалтанд автоматаар ордог гэнэ. Москва, Питерийн дээд зиндааны гэр бүлээс гаралтай олон хүүхнүүд тэрбумтныг өдөж чангаагаад эцэстээ гайхаш тасраад больжээ.
Сергей Кириенко
Цагтаа Засгийн газрыг тэргүүлж байсан тэрээр “Росатом” төрийн өмчит компаний захирал болсон хойноо ураны асуудлаар манай улсад ирж байсан. Бэлгийн цөөнхий эрхийг хамгаалсны төлөө хаагдсан Moscow Times сонин нь Кириенког 1998 онд “Хамелеон” гэдэг гей-баарны байнгийн үйлчлүүлэгч байсан, бүр нэг удаа тэмцээний шалгаруулалтаас болж зодоон хийж байсныг нь баримттай нийтэлсэн удаатай.
НУУЦ.мн
