Олимпийн 6-дахь өдөр манай тамирчид бүгд ялагдлаа
Нийтэлсэн: 2016-08-11 22:57:28
Жүдо бөхийн эрэгтэйчүүдийн 100 кг-ын барилдаанд Н.Түвшинбаяр гурав дахь олимпдаа зодоглсон ч эхний тойрогтоо Кубын залуу бөхөд юуко үнэлгээгээр ялагдаж тэмцээнээ өндөрлүүллээ. Мөн л гурав дахь удаагийн олимпийн наадамдаа зодоглож буй манай хашир туршлагатай тамирчин П.Лхамдэгд олимпийн наадмын эхний тойрогт Унгарын бөх Абигелд ялагдаж тэмцээнээс хасагдлаа. Боксын 69 кг-д хүч үзэж буй Үндэсний шигшээ баг, Хүч спорт хорооны тамирчин, ОУХМ Б. Түвшинбат Ирландын боксчин Донел Стивен Жеррардад 1\2 харьцаатайгаар ялагдаж цаашаа тоглох эрхгүй боллоо. Буудлагын урт бууны эмэгтэйчүүдийн 50 метрийн чансаа тогтоох тэмцээнд Г.Нандинзаяа 582 оноотой 9-р байрт орж шигшээд шалгарч чадсангүй. Усанд сэлэлтийн эрэгтэйчүүдийн 50 метрийн өврөөр даллах сэлэлтийн төрөлд ОУХМ Батсайханы Дөлгөөн өрсөлдөж 24.90 гэсэн амжилтаар тэмцээнд оролцож буй 85 тамирчнаас 60 дугаар байрт орж хасагдлаа.
.jpg)
НУУЦ.мн
