Амралтанд явах найз залуудаа 10 алтан дүрэм тогтоосон бүсгүйн пост шуугиан тарьжээ
Европын аялал жуулчлал зугаа цэнгээний төв Испаний Мальорка арлын Магалуф амралтын газарт найз нарын хамт амрахаар явах гэж байгаа шоталанд залуу Киран Люмсденд найз бүсгүй Уитни Треверс нь нарийн чанд мөрдөх хатуу арван алтан дүрмийг тогтоож өгчээ. Мөн энэхүү дүрмийг яг таг мөрдөнө гэсэн нөхцөлтэйгээр найз нартайгаа хамт явахыг нь зөвшөөрсөн гэнэ. Дүрмийн эхэнд тэрээр өдөрт доод тал нь нэг удаа залгаж хоёроос доошгүй минутын хугацаагаар хэрхэн амарч байгаагаа тайлагнах ёстой болжээ.
.jpg)
“Амрах хугацаанд нэг ч бүсгүйтэй ямар нэгэн холбоо тогтоож болохгүй. Тэдэн лүү харж болохгүй, ярьж болохгүй, биенд нь хүрч болохгүй” хэмээн зарлигдсан байна. Үүнээс гадна эсрэг хүйсний хүнтэй авахуулсан зургаа цахим хуудсандаа оруулахыг нь хоригложээ. Мөн архи шар айраг дарс зэргийг хольж уухыг цээрлэх ёстой гэнэ. Уувал аль нэгийг нь дагнаж уухыг шаарджээ. Амралтаар явахдаа ямар нэгэн шивээс хийлгэхийг нь мөн хориглосон байна. Хар тамхийг хатуу хоригложээ. Алтан дүрмийн сүүлийн хэсэгт бүсгүйчүүдийг уух юмаар дайлж болохгүй гэж тушаажээ. “Чи мөнгөө зөвхөн надад л зарцуулах ёстой” гэж хатуу сануулсан байна. Дүрмийн 9-д “хэрвээ бүсгүйчүүд эхэлж яриа өдвөл шууд л миний тухай ярь” гэж үүрэгджээ. 10-д нь шөнө бүр өрөөндөө хонох, унтахдаа зөвхөн өөрийн орондоо ганцаараа орохыг тушаасан гэнэ.
.jpg)
