Нууц мэдээллийн уурхай

BBC мэдээлснээр Германы цагдаагийнхан нэгэн хятад жуулчныг дүрвэгчидтэй андуурснаар тэрээр лалынханд зодуулж дээрэлхүүлжээ. Нэрийг дурдахгүй байгаа 31 настай хятад жуулчин Штутгард хотын гудамжаар явж байгаад түрүүвчээ суйлуулжээ. Хамаг мөнгөө алдсанаа мэдээд цагдаад хандах гэтэл андуураад дүрвэгчдийн төв рүү орчихсон байсан гэнэ. Төвийн ажилтнууд хөөрхий хятадыг дүрвэгч хэмээн бүртгэж аваад баахан лалын жажинтнуудтай цуг автобусаар Дюльмени хотод байдаг дүрвэгчдийн тусгай хуаран луу явуулжээ.  Хуаранд дандаа лалынхан байсан тул хятад жуулчин хоёр өдөр зодуулж дарамтлуулсан гэнэ. Баахан лал шажинтнуудын дунд арай л өөр нэг “дүрвэгч” байгааг хуарангийн дарга ажиглажээ. “Тэрээр гадаад төрхөөрөө Ойрхи Дорнодоос ирсэн дүрвэгчидтэй огт адилгүй бөгөөд маш өрөвдөлтэй байдалтай харагдаж байсан” гэж дарга нь ярьжээ. Гай болоход өрөвдөлтэй дүрвэгч англи хэл мэддэггүй гэнэ. Гэхдээ яаж ийгээд өөрийгөө хятад хүн гэдгийг ойлгуулж чаджээ.  Хуарангийн удирдлага орчуулагч дуудсанаар сая учир нь ойлгогдож дүрвэгч болсон хятад жуулчны зовлон дуусаж суллагдсан гэнэ. Харин Германы дараа Итали, Францаар жуулчилах гэсэн төлөвлөгөө нь бүрэн нуржээ. Мөн европчуудад маш их гомдсон тул “би Европыг ийм аймаар гэж бодоогүй” хэмээн BBC-гийн сурвалжлагчид толгой сэгсрэн ярьсан байна.