Талийгаачийн эхнэр нууц амраг хоёр нь зэрэг эмгэнэл тавиулаад бөөн хэрэг манджээ
Philly Voice-д мэдээлснээр 55 настай Билли Блек гэдэг эр хорт хавдартай удтал тэмцээд аюулт өвчинд дийлдэн хорвоог орхижээ. Гэтэл түүнийг бурхан болсоны дараа 30 гаруй жил ханилсан эхнэр нь олон жилийн турш нууц амрагтай байсныг нь мэдэж гэнэтийн цочролд оржээ. Америкд оршуулгын товчоо нь буяны ажлыг нь бүрэн гүйцэтгэдэг гэнэ. Оршуулгын товчоо талийгаачийг хөдөөлүүлэх ажлыг зохион байгуулсны дараа хэвлэлд эмгэнэл гаргах ажлыг хийжээ. Гэтэл энэ үед эхнэрээс нь гадна бас нэгэн эмэгтэйгээс хайр харуулсал дүүрэн үгтэй эмгэнэл ирсэн гэнэ. Принцесс Холл гэдэг эмэгтэй өөрийгөө талийгаачийн эртний найз нь гэж танилцуулсан ч үнэн хэрэгтэй сүүлийн арваад жил нууц амраг нь байсан аж. Оршуулгын товчоо эхнэр нууц амраг хоёрын эмгэнэлийг орон нутгийн сонинд нэг нүүрэнд хамт хэвлүүлсэн нь бөөн хэрэг мандуулжээ. Талийгаачийн эхнэр нөхрийнхөө “эртний найз” гэх эмэгтэйг ихэд сонирхон асууж сурагласаар нууц амраг нь болохыг төвөггүйхэн мэдээд авчээ. Нууц амраг нь талийгаачийг хүнд өвчтэй байхад нь хүртэл хаяалгүй эргэж тойрч байсан аж. Харин эхнэр нь бурхан болооч болон нууц амрагийг нь буруутгахын оронд энэ олон жил юу ч мэдэлгүй хууртагдаж явсандаа өөрийгөө зүхсэн гэнэ.
НУУЦ.мн
