Т.Бадамжунай элчин сайдад санаатай гэнэ
.jpeg)
МАН-ын ялалтын бялуу хуваалтын найранд нэгэн том эрхэм одоо болтол ирээгүй бас үзэгдэхгүй байгаа нь алдарт Т.Бадамжунай юм. Хотын фракц гэгчийн том төлөөлөл тэрээр УИХ-ын гишүүн, сайдын албыг хашсан. Хамгийн сүүлд намын Сан хөмрөгийн газрын даргаар ажиллаж байсан. Түүнээс хойш сураг алдарсан гэхэд болно. Олон хүн Т.Бадамжунайг сонгуулийн ялалтын дараагаар гараад ирнэ хэмээн хүлээж байсан ч гэгээн дүрээ харуулаагүй. Сайдын томилгоонд ч нэр нь дуулдсангүй. “Эрдэнэт” үйлдвэрийн ерөнхий захирлаар очих гэж байна гэсэн яриа гарсан ч тэр нь худлаа болж таарсан. Тэгвэл алга болсон Т.Бадамжунай энэ хооронд хувийнхаа нэлээд ажлыг амжуулжээ. Тэрээр тэтгэвэрдээ гарч бүр тэтгэвэрээ тогтоолгосон гэнэ. Улстөрд ихийг үзсэн толгой тул сэтгэлийн хөөрлөөр дэвэрч удахгүй ямар ч мөнгөгүй болох засагд орж ажилласан нэр зүүн олон нийтэд “хараалгахыг” хүсэхгүй байгаа бололтой. Түүний оронд холхон оронд элчин сайд эсвэл консулаар томилогдон улстөрийн карьерын сүүлийн хэдэн жилийг чимээ аниргүйхэн өнгөрөөх бодолтой байгаа гэнэ. Нэгэнт фракци нь “шажин төрийн эрхийг хослуулан” барьж байгаа тул Швед мэтийн сайхан улсад элчингээр томилогдох нь хэцүү хэрэг биш биз.
