Нууц мэдээллийн уурхай

CCTV мэдээлснээр цахимаар танилцсан хятад бүсгүйг орон нутгийн нисэх буудлын хүнд халуун орчинд 10 хоног хүлээсэн нидерланд эр ядарч туйлдан ухаан алдан унаж улмаар эмнэлэгт хүргэгдсэн байна. 41 настай Александр Питер Сирк нь Чжан гэдэг хятад эмэгтэйтэй хоёр сарын өмнө цахимаар танилцаж дотносжээ. Чжан нь 26 настай агаад явуулсан зургаас нь үзэхэд тун царайлаг нэгэн байсан гэнэ.

Залуухан ази хүүхэнд сэтгэл алдарсан нидерланд эр түүнтэй уулзахаар Хятадын төв нутагт орших Чанши муж руу нисэн иржээ. Түүнийг мужийн нисэх буудалд буухад угтахаар тохиролцсон бүсгүй нь ирсэнгүй. Өөр хүн ч угтаж аваагүй тул 10 гаруй хоног халуун орчинд тохь муутай буудалд хүлээжээ. Найз бүсгүй нь ирээгүй тул сэтгэл санаагаар ихэд унаж сүүлдээ цөхөрсөн гэнэ. Хэл нэвтрэлцэхгүйн дээр хоол унд нь ч таарсангүйд бие нь муудан суудал дээрээ ухаан алдан унажээ. Нисэх буудлынхан түргэн дуудсан байна. Харин хэвлэлийнхэн гадаад эрийг ухаан алдуулж унагасан хятад бүсгүйг сурсаар олж чадсан ч тэрээр сэтгүүлч нараас зугтжээ. Тэрээр санаатайгаар угтаж аваагүй гэнэ. Харин ч гадаад эртэй дотноссон тул гоо сайханы яаралтай мэс засалд орох болсоны улмаас нисэх буудалд очиж угтаж авч чадаагүй хэмээн найз нар нь ярьсан байна.

НУУЦ.мн