Усны хувцастай цагдаа эмэгтэй гэмт хэрэгтнийг баривчилсан нь шуугиан тарьжээ
Нийтэлсэн: 2016-08-01 07:09:34
Саяхан Шведийн цагдаагийн албын алдар хүндийг мандуулсан явдал болжээ. Цагдаагийн офицер эмэгтэй Микиела Кернер амралтын өдөр бүр усны хувцастай байхдаа халаасны хулгайчийг наран шарлагын газар илрүүлэн баривчилжээ. Хажууханд нь амарч байсан хүмүүс дээр сонин зардаг хүн ирэн сонин сэтгүүл худалдаж авахыг удаан бас шургуу гуйж ятгахыг тэрээр ажиглажээ. Эцэст нь салж өгдөггүй нөхөр арайхийн явсан хойно амрагчдын нэг нь гар утсаа алга болсоныг хэлж сандралдсан аж. Энэ тухай Микиела “мэргэжлийн зөн билэг мэдрэмж маань нөгөө сонин зардаг хүн авсан болохыг шууд л хэлсэн. Тэгээд шууд араас нь хөөн гүйцэж унаган баривчилсан. Усны хувцастай байсан маань жаахан шуугиан дэгдээсэн байх” гэжээ. Усны хувцастай эмэгтэй эрэгтэй хүнийг хөөн гүйцэн дарж унагаж баривчлахыг харсан амрагчид зургийг нь аван цахимаар цацсан байна.
