Порно үзсэн хүүгээ ороолгосон эхийг шүүх торгож шийтгэжээ
.jpg)
Оросын Омск мужийн Таврическое суурингийн иргэн Токачева Н-г 1-р ангийн хүүгээ суран тэлээгээр ороолгож зодон биед нь хөнгөн гэмтэл учруулсан хэргээр шүүх найман мянган рублиэр торгожээ. Өрх толгойлсон эмэгтэйн хүүдээ гар хүрэх болсон нь маш хүндэтгэх шалтгаантай хэмээн тэрээр мэдүүлжээ. Саяхан тэрээр хүүдээ дэлгц авч өгсөн агаад нэг хартал насанд хүрэгчдийн сайтад орчихсон юм үзэж байсан гэнэ. “Хүү дэлгэц дүүрэн хамаг юмаа дэлгэсэн хүүхний зургийг үзээд сууж байсан. 1-р ангийн хүүхэд ийм юм үзэж яаж болох билээ. Эхлээд би хэлж загнасан боловч дэлгэцээ өгөхгүй гэж уурласан. Сүүлдээ уур хүрээд суран тэлээгээр ороолгосон нь үнэн” гэжээ. Хүүгийн биед гарсан хөх няц гүвдрүүг багш нь ажиглажээ. Багшийнхаа асуултанд зодуулсан шалтгаанаа нууж хэлсэн ч сургууль нь суурингийн захиргаа болон цагдаад хандсан байна. “Хэрэгтэн төмөр тольтой суран тэлээгээр насанд хүрээгүй, биеэ хамгаалж чадахгүй хүнийг олон удаа ороолгосноос биед нь гэмтэл учруулсан нь тогтоогдсон. Шүүх хурал дээр гэм буруугаа бүрэн хүлээсэн тул найман мянган рублиэр торгох шийтгэл оноосон” хэмээн тойргийн шүүхээс мэдээлжээ. Харин хүү Гүүглээр юм хайж яваад санамсаргүй том хүний сайт руу орчихсон гэж мэдүүлсэн гэнэ.
