Нууц мэдээллийн уурхай

Саяхан Замын-Үүдэд нэгэн хөгжилтэй хэрэг гарчээ. Жолооч мэргэжилтэй, хувиараа хөдөлмөр эрхэлдэг Ламын гэгээн овогт Г.Б гэдэг эр Замын-Үүд сумын 1 дүгээр багийн нутагт автомашины төв зогсоол дээр иргэн Ц.Б-ын эзэмшлийн …. ДГО улсын дугаартай Тоёото Аллион маркийн тээврийн хэрэгслийн арын шилийг бахиар хагалж санаатай устгаж 220 мянган  төгрөгийн хохирол учруулсан гэмт хэрэгт холбогджээ. Шүүгдэгч болсон явдлын тухай “…2015 оны 7-р сарын үед Баярбат урд Эрээнд миний машины шилийг санамсаргүй байдлаар хагалсан. Эхлээд миний машины шилийг төлж өгнө гээд яваад байсан. Сүүлдээ төлж өгөхгүй гэсэн тэгэхээр нь цагдаа дээр очиж байсан. Тэр үед нь цагдаа та 2 эр хүмүүс байна, хоорондоо учраа олчих гэсэн. Бараг уулзаагүй хоёр гурван сар болж байгаад нэг таарахаар нь би миний машины шилийг төлж өгөөч гэхэд Баярбат чиний машины шилийг би ямар төлөх албатай биш, бүтэн шил төлж чадахгүй, талыг нь төлж өгье гэх мэтээр маргасан, улмаар “ би чамайг бүтэн нэг жил машины арын шил төлж өгөхийг хүлээлээ бүтнээр нь төлж чадахгүй бол би чиний машины арын шилийг адилхан хагалъя, тэгээд хоёулаа хэн хэнийнхээ машины шилийг өөр өөрсдөө янзлаад авчихъя” гэж хэлээд машинаасаа цэнхэр өнгийн бахь гаргаж ирээд автомашиных нь арын шилийг нь хагалсан…” гэжээ. Харин хохирогч “…Батбаатар над дээр ирээд “миний машины шилийг хэзээ төлж өгөх вэ” гэсэн. Тэгэхээр нь би машины шилийг чинь бүтнээр нь төлж чадахгүй тал мөнгийг нь авбал ав гэж хэлээд хоорондоо бага зэрэг маргалдсан. ... гэтэл “чиний машины арын шилийг адилхан хагалчихъя, тэгээд хоёулаа нэг нэгэндээ өргүй байя” гэсэн утгатай зүйлийг ярихаар нь “чи чаддаг юм бол хагалаарай, дараа нь чи өөрөө хариуцлагаа хүлээгээрэй” гэж хэлсэн. Удалгүй машинаасаа цэнхэр өнгийн бариултай бахь гаргаж ирээд миний машины арын шилийг түүгээрээ нэг удаа цохиж хагалсан. Гэмт хэргийн улмаас надад нийт 220 мянган төгрөгний хохирол учирсан....” гэжээ.