Нууц мэдээллийн уурхай

Монголд биеэ үнэлэгчид хөгширвөл хөсөр хаягдах нь мэдээж. Тэгвэл холын Мексикд «Каса Сочикецаль» гэдэг улсын төсвөөр санхүүждэг хөгшин биеэ үнэлэгчдийн асрамжийн газар ажилладаг. Энд залуудаа шөнийн эрвээхэйгээр ажиллаад нас ахиж ажил үүргээ гүйцэтгэх чадвар боломжгүй болсон биеэ үнэлэгчид нүд анитлаа улсын асрамжинд тайван амгалан амьдарч болдог.

Сексийн фронтын ахмад дайчин хатагтай нар эмчилгээ, сэтгэлзүйн туслалцаа авч мөн хэдийгээр ялгаварлан гадуурхагддаг “ажилтай” байсан ч иргэний хувьд төрөөс туслалцаа дэмжлэг авах эрхээ эдэлдэг. Ахмадуудад сэтгэлзүйн болон нийгмийн сургалт явуулдаг агаад гол зорилго нь ажил үүргээ эрхэлж байх үед нь унасан хувь хүнийх нь үнэлэмжийг сэргээх  явдал гэнэ.

Мексикийн  биеэ үнэлэх, хүний наймааны зах зээл харгис хатуугаараа алдартай. Эдгээр хөгшин хатагтай нар биеэ үнэлж байхдаа байнга дээрэлхүүлж зодуулж дарамтуулж дээрэмдүүлж байсан гэнэ. Үүний улмаас ихэнхи нь сэтгэлзүйн эмгэг дарамт айдастай болсон. Асрамжийн газарт тэднийг нийгэм эрх зүйн сургалтанд хамруулж эдлэх эрхийг нь ойлгуулдаг.

Сэтгэлзүйн засал эмчилгээд мөргөл залбирал, нүглээ наминчлах зэрэг шашины зан үйлийг ашигладаг.  Асрамжийнхан хоорондоо их эвтэй бие биенээ тусалж дэмждэг гэнэ.

Олонхи нь үр хүүхэд төрүүлээгүй тул эмэгтэй хүний эх болох зөн билэг нь сэтгэцийн эмгэг байдлаар илэрдэг аж.

NUUTS.mn