Нууц мэдээллийн уурхай

Оросд талтай гэж яригддаг нэр дэвшигч тэрбумтан Дональд Трамп оросуудыг хөөрхөн дөнгөчихдөг байжээ. Гэхдээ тэдний өөрсдийгөө мундаг мөнгө ихтэй хэмээн харуулах дуртай сайрхуу зангийг нь ашигладаг гэнэ. Саяхан CNBC-д өгсөн ярицлагандаа тэрбумтэн эр ойворгон оросуудтай хэр ойр харилцаатай байснаа ийн өгүүлжээ. “…Миний оросуудтай хамгийн ойр харилцсан харилцаа бол нэгэн үл хөдлөх хөрөнгөний наймаа байсан юм. Энэ нь хоёр жилийн өмнө болсон явдал л даа. Би нэгэн дампуурсан бизнесмэний Палм-Бич дэх эдлэнг нь 40 сая доллароор худалдан авсан юм. Энэ хавьд үл хөдлөх хөрөнгө тун үнэтэй гэдгийг та бүгд мэдэх байх. Дараа нь би тэр эдлэнгээ бүхий л татвар хураамжийг нь шингээгээд 100 сая доллараар нэг оросд зарчихсан юм. Өөрөөр хэлбэл би эдлэнгээ зараад дээр нь үл хөдлөх хөрөнгө зарсаны бүх татвар хураамжаа худалдаж авсан хүнээрээ төлүүлчихсөн гэсэн үг” гэжээ. Трамп хэдийгээр “тэнэг” худалдан авагчийн нэрийг хэлээгүй боловч хэвлэлийнхэн хэн гэдгийг нь тодруулж чаджээ. Палм-Бичид 8000м2 талбайтай, 150 м урт далайн эрэгтэй эдлэнг Оросын олигархиДмитрый Рыболовлев худалдан авсан байжээ. Тэрээр Киприйн банкны хувьцааг эзэмшдэгээс гадна “Монако” хөлбөмөгийн багийн эзэн гэнэ. Мөн эхнэртэйгээ зургаан жил шүүхдэлцсэний эцэст 6.5 сая доллар төлөх нөхцөлтөйгээр салж байсан гэдгээрээ алдаршсан