Маргаантай арлуудаас болж Вьетнамын хилчин хятад жуулчны паспорт дээр “fuck you” гэж бичжээ
Нийтэлсэн: 2016-07-28 11:34:13
.jpg)
Бээжингийн засаг захиргаа хилийн маргаантай бүс нутгуудийн талаар дээрэнгүй эзэрхэг бодлого баримталж байгаа нь хөрш орнуудынх нь иргэдийн дургүйцлийг зүй ёсоор төрүүлж байна. Хятадын ГХЯ нь 2012 оноос маргаантай байгаа Өмнөд-Хятадын тэнгисийн бүлэг арлуудыг Хятадын нутагт оруулсан газрын зурагтай гадаад паспортыг иргэдээ олгох болсон. Үүнийг нь хөрш орнууд тэр тусмаа Вьетнам эсэргүүцэж байсан. Саяхан энэхүү зурагтай гадаад паспортоос болж хэрэг дэгдсэн тухай Quartz сайтад мэдээлжээ. Вьетнамын Хо-Ши –Мин хот дахь Хятадын консулд Чжун гэдэг эмэгтэй хандаж гадаад паспортынх нь 8 болон 24-р хуудсанд Вьетнамын хилийнхэн “fuck you” хэмээн бичсэн байна хэмээн гомдол гаргажээ. Яг энэ хуудсанд нь Вьетнамтай хилийн маргаантай байгаа арлуудыг Хятадын нутагт оруулсан газрын зураг нь байсан гэнэ. Хятад, Вьетнам зэрэг улсууд нь Өмнөд Хятадын тэнгис дэх Парасель буюу Спратлийн бүлэг арлыг эртнээс нааш булаацалдаж ирсэн юм.
.jpg)
NUUTS.mn
