Албани эр өвчтөнүүдийг амьдаар нь шатаалаа \бичлэг 16+\
Нийтэлсэн: 2016-07-27 01:37:40
Дэлхийн өнцөг булан бүрд аймшигт хэрэг гарах болжээ. Өчигдөрхөн 19 настай япон залуу хөгжлийн бэрхшээлтэй иргэдийн эмнэлэгт нэвтрэн 20 гаруй хүнийг хутгалж хөнөөн 40 гаруйг н шархдуулсан. Энэ үйлдлээ дэлхий ертөнцийг эрэмдэг зэрэмдэгүүдээс цэвэрлэх гэсэн хэмээн мэдүүлсэн гэнэ. Тэгвэл Европын тайван аюулгүй гэгддэг Албани улсад бас нэгэн сэтгэл сэрдхийлгэм хэрэг гарчээ. Нийслэл Тиран хотын “Spitalin amerikan” эмнэлгийн 57 настай эр эмчилгээний үеэр өвчтөнүүдийг амьдаар нь шатаажээ. Тухайн үед эмчилгээний өрөөнд дөрвөн өвчтөн болон гэмт этгээдээс гадна бас нэгэн эмч эмчилгээ хийж байна. Эмчилгээ эхлэх үед нэгэн эр цүнхнээсээ шилтэй галд өртөмхий шингэн гарган өвчтөн лүү цацсан байна. Нөгөө эмч нь үүнийг хараад зогсоох гэсэн боловч амжсангүй. Гэмт этгээд асаагуур гарган шидсэнээр эмчилгээний өрөө бүхэлдээ галд автжээ. Аймшигт хэргийн улмаас хоёр хүн амиа алдсаны нэг нь хэрэг үйлдсэн эмч гэнэ. Мөн хоёр хүн маш ноцтой түлэгдэж гэмтжээ. Гэмт этгээд ямар шалтгаанаар ийм аймшигт хэрэг өдүүлснийг одоогоор тогтоогоогүй байна.
