Зоддог найз залуугийнхаа машиныг ингэж будаж хариугаа авчээ
.jpg)
Энэ сайхан “ауди”-г будсан өнгө яаж ч бодсон эр хүнийх биш харин эм хүнийх юм. Гэхдээ тэр бүсгүй сайн санаж биш харин өш санаж ийм өнгөөр буджээ. Daily Mail сонинд мэдээлснээр Английн Бакингемшир гүнлэгийн төвийн нэгэн авто зогсоолд хонуулсан машиныг өглөө үзэхэд ийм өнгөөр будсан байжээ. Энэ явдлыг эртэч нэгэн хөгшин хараад цагдаад дуудлага өгчээ. Тэрээр “би сурсан заншлаараа өглөө эрт зугаалж яваад ийм өнгөөр будуулсан машиныг харсан. Нэг талаасаа хөгжилтэй нөгөө талаасаа бусдын өмчид халдсан мэт байдалтай байсан тул цагдаа дуудсан” гэжээ.
.jpg)
Машиныг эмэгтэйлиг өнгөөр яаран сандран хам хум будаад зогсоогүй хамар дээр нь хатуулаг зүйлээр “эмэгтэй хүн зоддог чи эр хүн биш” гэж бичсэн байжээ. Болсон явдлаас үзэхэд будсан этгээд нь эмэгтэй харин машины эзэн нь эрэгтэй хүн болж таарчээ. Яаралтай ирсэн машины эзэн залуу нь уг явдалд машид цочирдсон агаад машин нь уг нь цагаан өнгөтэй байсан гэхээс өөр зүйл мэдүүлээгүй аж. Харин дуудлагаар ирсэн цагдаагийнхан бусдыг өмчийг санаатай гэмтээсэн хэмээн эрүүгийн хэрэг үүсгэсэн гэнэ. Гэхдээ цахим ертөнцөд нь машины эзэн залууг эмэгтэй хүнд гар хүрсэн гэх үндэслэлэээр нарийн шалгахыг шаардаж байна.
.jpg)
НУУЦ.мн
