Нууц мэдээллийн уурхай

Тунис гаралтай Мухамед Булелын үйлдсэн Ниццегийн халдлага дэлхий дахиныг цочроогоод байна. Францын үндэсний баярын үеэр тэрээр баяр тэмдэглэж байсан хүмүүс руу хүнд даацын ачааны машинаар дайрч 84 хүнийг хөнөөсөн. Улмаар машинаасаа гарч зугтагсад руу галлахад нь цагдаа нар устгасан. The Daily Mirror сонинд мэдээлснээр алан хядагч халдлага үйлдэхээсээ өмнө ар гэрийнхэндээ селфигээ явуулж мөн 100 мянган евро шилжүүлсэн нь илэрчээ. 19 настай дүү Жаберийн мэдүүлснээр ах нь селфигээ явуулж бүх зүйл нь сайхан байгаа тухай мессеж бичсэн гэнэ. Мөн халдлага болохоос хоёр цагийн өмнө аав ээж рүүгээ залгаж ярьсан байжээ.  Аав Мондхер нь хүүгээ сэтгэцийн хүнд өвчтэй байсан гэжээ. “2002-2004 оны хооронд энэ өвчин нь маш хурц илэрсэн. Галзуу юм шиг хашгирч уурлаж үсчин гартаа тааралдсан бүхнийг шидэж хагалдаг байсан. Өвчин нь хөдлөхөөрөө маш харгис юу ч хийхээс буцдаггүй. Бид хүчээр шахуу эмнэлэгт үзүүлж түүнээс хойш байнга эм ууж байсан” гэжээ. Түүнээс гадна хүү нь шашны төлөө аллага үйлдэхээр шүтлэгтэй хүн биш гэнэ. “Тэр Рамадан сараар мацаг барьдаггүй. Европ залуустай нийлэн архи уудаг бүр хар тамхи ч татдаг байсан. Миний мэдэхийн сүүлийн 17 жил уусан” гэж аав нь баталжээ. Мөрдөн байцаалтаар Мухамед Булел нь халдлага үйлдэхээсээ хоёр хоногийн өмнө ээжийнхээ нэр дээр 100 мянган евро шилжүүлсэн нь тогтоогджээ.