Хүүхдээ нохойны хүзүүвч, цахилгаан бороохой ашиглан “хүмүүжүүлдэг” ээжийг баривчилжээ
Нийтэлсэн: 2016-07-13 05:46:50
.jpg)
Английн армид найман жил алба хаагаад халагдсан 34 настай британи эмэгтэй Лана Монаген гурван настай хүүдээ нохойн хүзүүвч углан уяах, цахилгаан бороохойгоор цохиулах зэргээр аймшигтай хатуугаар хүмүүжүүлж байсан нь илэрч шүүхээс 3,4 жил хорих ялаар шийтгүүлсэн тухай Express.co.uk-д мэдээлжээ. Хүмүүжлийн цэргийн маягийн хатуу арга барилыг үр дүнтэйд үздэг тэрээр 2014 оны зун нохойноос хамгаалахад хэрэглэдэг цахилгаан бороохой болон нохойны хүзүүвч худалдан авч хүүгээ уйлах, хоолоо идэхгүй байх, муухай аашлах эсвэл тавилга зурах гэмтээх үед шийтгэл болгон хэрэглэж байснаа хүлээжээ. Цахилгаан бороохойгоор 4-5 удаа цохисон гэнэ. Лана энэ бүхнийг ээжээсээ сурсан хэмээн шүүхэд мэдүүлсэн бол эх нь бичгээр ирүүлсэн тайлбардаа тэр бүхнийг эрс няцаажээ. Харин шүүх Ланаг биеэ хамгаалж чадахгүй хүүхдэд харгис хэрцгийгээрээ хандсан хэмээн үзсэн байна.
