31 жилийн дараа испани тореодор буханд мөргүүлж амиа алдлаа \бичлэг 14+\
Нийтэлсэн: 2016-07-10 11:20:24
Өдгөөгөөс 31 жилийн өмнө тореодор буханд мөргүүлж амиа алдаж байсан агаад түүнийг сүүлчийнх нь гэдэг байсан. Гэтэл тэр эцсийнх байсангүй. Daily Mail сонинд мэдээлснээр Испаний Теруаль хотод энэ сарын 9-нд болсон бухтай тулалдах корридо тулааны үеэр 29 настай тореодор Виктор Марио буханд мөргүүлж газар дээрээ амиа алджээ. Улангассан бухын хурц эвэр тулаанчийн баруун мээмэн тус газраар цээжийг нь нэвт сүлбэсэн гэнэ. Тулааныг орон нутгийн ТВ-гээр шууд дамжуулж байснаас гадна үзэгчдийн суудалд эхнэр нь сууж байжээ. Ийнхүү 29 настай залуу эхнэрийнхээ нүдэн амиа алдсан нь энэ аймшигт цэнгэлийг эсэргүүцэгчдийн тэмцлийг ахин идэвхижүүлээд байна. Одоогоос 31 жилийн өмнө 1985 онд матадор Хосе Куберо Йио нэртэй буханд нэвт сүлбүүлж үхжээ. Өнгөрсөн зуунд нийтдээ 33 матодор амиа алдсан гэнэ.
