Нууц мэдээллийн уурхай

30-хан насандаа том зочид буудлын зоогийн газрын ахлах тогооч болсон Алекс Ламберт нь энэ өдрийг хүтэл амжилттай дэвшиж байгаа залуу гэгдэж байжээ. Гэтэл одоо түүний мэргэжлийн нэр хүнд карьер нь том эрсдэлд ороод байна.  Daily Mail сонинд мэдээлснээр Английн Дерби хотын Littleover Lodge зочид буудлын ахлах тогооч тэрээр сүүлийн хэдэн сарын турш цагаан хоолтон үйлчлүүлэгчдийнхаа хоолонд гахай, үхрийн мах холин өгч байснаа ам алдсанаар том шуугиан дэгджээ. Фейсбүүкийн найзтайгаа харилцаж байхдаа ахлах тогооч энэ тухайгаа бурж орхисон гэнэ. Дараа нь ухаарч постоо устгасан ч нэгэнт хожимдсон байсан агаад өдгөө Английн цагаан хоолтонгуудын тэргүүн зэргийн дайсан болжээ. “Цагаа сайхан өнгөрөөх боломж эгзгийг олж авч бай л даа… жишээ нь би цагаан хоолтон захилагчийнхаа хоолонд махан бүтээгдэхүүн хавчуулаад хийгээд өгчихдөг, гэтэл тэд огт мэддэггүй” гэсэн байжээ. Уурлан бухимдсан цагаан хоолтнуудын арми тал талаас нь дайран довтолж зочид буудалд нь буух, зоогийн газраар нь үйлчлүүлэхгүй байхыг уриалсан бүхэл бүтэн хөдөлгөөн өрнөсөнд А-тогоочийг арга буюу ажлаас нь халжээ.