Нууц мэдээллийн уурхай

Сонгуулийн өмнөхөн МАХН-ын Ц.Улаан, Д.Тэрбишдагва нар Ардын намд хадаг барин орсон. Энэ нь тэдний хэддэх “урвалт”ын тухайд тоогоо алдсан. байгаагүй. Тэгвэл хоёр том нь “урвасан” сургаар дунд доод шатанд ч МАХН-аас МАН луу хөдөлгөөн шилжилт явагдсан. Үүний хамгийн том жишээ нь памперстэй хэвлэлийн бага хурал гэж хэлж болно. Үүний хамтаар Улааны нэр дэвшсэн Сүхбаатар аймагт ч нам хоорондын шилжилт явагджээ. Үүний зохион байгуулагч нь аймгийн МАХН-ын мянгатын дарга Д.Гансүх гэнэ. Сонгуулийн өмнөхөн Улаан Тэрбишдагва нарын хүмүүсийг “намнах” ажиллагааг МАХН явуулжээ. Үүний дагуу төвөөс Бага чуулганы гишүүн Х.Оюунцэцэг ирж аймгийн МАХН-ын хороог хуралдуулаад Д.Гансүхийг намын дүрэм журмын дагуу мянгатын даргад томилогдоогүй, намын дотоод эв нэгдлийг хагалан бутаргасан хэмээн унагаж өөрөө дарга болжээ. Уг хуралд нийт 65 гишүүн дэмжигч ирсэн бөгөөд Х.Оюунцэцэгээс гадна хотоос ёс зүйн хорооны гишүүн Батбаатар, орон нутаг хариуцсан Алтантуяа нар нь намын хороог төвхнүүлэх гэж иржээ.  Хуралдаанаас  Д.Гансүх нь намын дүрмийн 5.2.7-д заасан “намын ёс зүйн хэм хэмжээг чанд сахин биелүүлж, ялангуяа намын нэрийн өмнөөс сонгогдож томилогдсон албан тушаалтан бүр хуулийг чандлан сахиж, ашиг сонирхлын аливаа явцуу бүлэглэлийн нөлөөнд автахгүй байх” гэж заасныг зөрчиж намын эв нэгдлийг бусниулж, нэр дэвшигчдийн нэр хүнд, эрх ашгийг зөрчиж байна гэж буруутгажээ. Экс мянгатын даргын том “нүгэл” нь Ц.Улаан МАН-д орсонтойгоор холбогдуулан намаасаа хүмүүс дагуулан гарах гэснээс болжээ. Энэ тухай Ц.Тод-Эрдэнэ  нь “... Д.Гансүх нь Сүхбаатар аймгийн Монгол ардын хувьсгалт намын мянгатын хорооны албан ёсны дарга биш, учир нь өмнөх мянгатын дарга Ж.Энхбаатар нь өөр ажилд томилогдсонтой холбоотой Д.Гансүхэд түр тамгаа шилжүүлсэн. 2016 оны 5-р сарын 6-нд намайг 13 цагт намын байранд дуудаж ирүүлээд Улаан сайд МАН руу орсон учир бид аймгийн ардын нам руу орохоор боллоо. Намайг орох уу гэсэнд би явахгүй ээ. Яагаад гэвэл би Сүхбаатар аймгийн МАХН-ын дэргэдэх Ардчилсан шудрага ёс Монголын залуучуудын холбооны тэргүүнээр ажилладаг учир миний ард хэдэн зуун залуусын ардчилсан эрх ашиг хамгаалагдаж байгаа учир би МАН руу явахгүй гэсэн. Миний мэдэхийн нэр бүхий хэдэн гишүүнийг аймгийн МАН-ын хорооны  даргатай аман тохироо хийж тойрогт суулгасан. Тэгээд МАХН-ын гүйцэтгэх зөвлөлийн 21 гишүүнийг хурал зарлахгүй хэл дуулгахгүй хууль бусаар хасаж 11 болгон өөрийн талд үйлчилдэг гишүүнээ үлдээж шүүмжилдэг хэдийг нь хассан байдаг…” гэжээ. Мөн Д.Тамирбаатар нь “…Би 2015 оны 10-р сард энэ намд элсэн орсон. Д.Гансүх даргаар ажиллах хугацаандаа хуучин гишүүдийнхээ үгийг сонсохгүй өндөр настан эмэгтэйчүүдтэй ёс бусаар харьцаж хурал болгон дээр хэрүүл өддөг  байсан...” гэжээ.