З.Энхболд: Ардчилсан нам энэ сонголтыг хүндэтгэж байна
Ардчилсан намын дарга З.Энхболд намын төв штаб дээр мэдээлэл хийлээ. Тэрбээр УИХ болон НИТХ-ын сонгуульд ялалт байгуулсан МАН-ынханд баяр хүргээд ирэх дөрвөн жилд илүү их ажиллахыг хүссэн юм. “Монголын ард түмэн сонголтоо хийжээ. Ардчилсан нам энэ сонголтыг хүндэтгэж байгаа. Манай намаас ялалт байгуулсан 10-аад гишүүндээ баяр хүргье. Сонгуулийн үр дүн гэдэг бол монголчуудын төр засагтаа өгч байгаа үнэлгээ юм. Зүй ёсоор энэ үнэлгээг хүлээн зөвшөөрч байна. Гэхдээ Ардчилсан нам амаргүй, туйлын хэцүү дөрвөн жилд ажилласан ч бид эдийн засгаа өдий зэрэгтэй авч явсан. Үүнээс илүү амжилттай ажиллахыг Монгол Ардын намд уриалж байна. Амаргүй жилүүд үргэлжилнэ. Бид цаашид бүтээн байгуулалтын ажлаа үргэлжлүүлэн хийнэ” гэлээ.Мөн намын дүрмийн дагуу Л.Эрхэмбаяр бид хоёр хариуцлагаа хүлээнэ. Удахгүй намын зохих шатны байгууллагууд хурал, зөвлөгөөнөө хийх байх гэлээ.
NUUTS.mn
